דו האסט וואו צו עסן שבת? פיין, ברוך השם.

אבער….

האסטו אמאל געטראכט וויאזוי עס זעט אויס א שבת ביי איינער וואס האט נישט וואו צו עסן די סעודת שבת? האט נישט קיין משפחה? האט נישט קיין ווארעמע היים וואס קאמפערט אים? נישטא מיט וועם צו פארברענגען, נישטא מיט וועם צו רעדן, מ'זעצט זיך עסן א 'סאפער' און מ'גייט שלאפן. כ'ווייס נישט וועגן ענק, אבער איינער טראכט יא פון זיי, דאס איז די אורחים גרופע.

אנגעהויבן האט זיך אלעס ווען ר' יוסי אסטרייכער, וועלכע פלעגט אריינעמען צענדליגע געסט יעדע שבת צו זיך אינדערהיים צו געבן און באקומע חיזוק און דאס מערסטע געשמאק וואס א שבת סעודה קען ברענגען מיט זיך האט זיך געטראפן אין געוויסע מצבים ווען ער האט נישט געקענט אריינעמען זיינע טייערע געסט, ווי למשל א פסח ווען ר' יוסי איז נישט אינדערהיים און די געסט האבן געדארפט טרעפן א פלאץ צו זיין פאר יו"ט, א פלאץ צו אפרעכטן א סדר און נישט בלייבן אנע דאך איבערן קאפ.

דעמאלט בעפאר יו"ט האט ר' יאסי אינאיינעם מיט אנדערע צוזאמגעשטעלט הונדערט און פופציג טויזנט דאלער צו שטעלן אלע וועלכע האבן נישט וואו צו זיין פאר יו"ט אין ווארעמע ערטער, און יענע פסח איז טאקע געווען פאר זיי גאר א געשמאקע און חיזוק'פולער צייט.

עס איז נישט געבליבן ביי דעם, נאר איינמאל מ'האט געזען אז מ'קען גיין מיט א טרעפל פאראויס האט די אורחים ארגאניזאציע זיך געגרינדעט מיט'ן ארויפקריכן הויעך אויף א לייטער אנע וויסן וויאזוי מ'וועט זיך קענען אנהאלטן דארט, אלעס בלויז צו מחזק זיין און צופרידנשטעלן די וואס קענען עס נוצן.

אורחים האט געבויעט א פלאטפארמע וואס האט ביז היינט, 2 יאר נאכ'ן גרינדן שוין אריבער 10 טויזנט איינגעשריבענע, איבער 5000 בעלי מכניסי אורחים פון איבער דער גארער וועלט און א פולע אפיס שטאב וואס גיבן זיך אפ יעדע וואך צו טרעפן א געשמאקע ארט ביי איינע פון די אריבער 5 טויזנט טייערע אידן וועלכע זענען גרייט צו אריינעמען אין זייער הויז א גאסט אויף שבת און יום טוב און אים מאכן פילן ווי אינדערהיים.

זינט די אורחים ארגאניזאציע האט זיך געגרינדעט איז מער נישט דא אזא זאך אז א בחור, גרוש, מיידל אדער גרושה האט נישט וואו צו עסן שבת! פשוט נישט! פאר זיי איז דא צוגעשטעלט א פולער שטאב פון מענטשן וועלכע פארבינדן זיי צו איינע פון די טויזנטע משפחות וועלכע זענען גרייט צו אריינעמען א גאסט פאר שבת, און מ'מאכט זיכער אז זיי ווערן באקוועם אין א ווארעמע היים.

איינמאל עס האט זיך אנגעהויבן אויף אזא פארנעם האט ר' יוסי אנגעהויבן צו מיטלעבן פון די נאנט האר-אויפשטעלנדע געשיכטעס וועלכע האבן געמאכט זייער וועג אריין צו די אורחים ארגאניזאציע אפיסעס א שטייגער ווי געוויסע וואב האבן זיך געשטארק מיט שמירת שבת, און עס זענען אפילו פארהאן געשיכטעס פון אזאלכע וואס נאר דורך די אורחים ארגאניזאציע זענען זיי געליבן מיט זייער אידישקייט.

דער איינער וועג וויאזוי מ'קען ארויסברענגען די ארבעט פון אורחים איז מיט די צוויי ווערטער "צוזאמען אליין"! ווען ער אדער זי איז אליין איז אורחים אויך דארט און מאכט זיכער אז עס זאל גארנישט פעלן.

אבער ווי געזאגט האט ר' יוסי נישט געוויסט אין וואס ער לייגט זיך אריין מיט דעם פראיעקט, און דאס קאסט אים אפ טויזנטערס יעדע וואך, און דערפאר זענען מיר דא, צו דאס קענען אנהאלטן.

געלט וועט נישט זיין אן אפהאלט פאר די הייליגע ארבעט פון האלטן די אריבער 10 טויזנט וועלכע זענען נהנה פון די הייליגע ארגאניזאציע! עס טאר נישט פאסירן אז עס זאלן זיין אזאלכע וואס שבת איז זייער טונקעלע טאג אין וואך!

ביישטייער דיין נדבה צו ווערן א חלק פון די אורחים ארגאניזאציע! אינוועסטיר אין אן אמת'ע אינוועסטמענט וואס וועט אייך ברענגען פראפיטן אין אייער גאנצע לעבן!

אורחים איז א הייליגע ארגאניזאציע, גיב א נדבה וואס פאסט פאר דעם!